rimatmag: Dalem ken Apro ti Panawen

Dalem ken Apro ti Panawen

I
naibudi a
balikas iti lasag
dana ti urat

agkankanta a
lamolamo ti oras
linnaaw ti biag

bullalayaw a
korona ti tangatang
anges ti law-ang

gatas a dumges
'ti barukong-parbangon
diro a rosas

ngiwat-gitara
a nangammal 'ti puso
kuerdas ti rag-o

II
paslep a landok
rumrumsik nga anguyob
latit' panunot

tirad ti pana
minilmilion a mata
siping a dila

kuko ti sipnget
ti martilio ken paet
danog ti unget

danum ti sudo
bayoneta kas tudo
ganna ti ulo

payak-balikas
naglapayag a damag
bayrus ti lasag


AGUSTIN DC. RUBIN
Lot 14, Block 12
Sta. Monica Subdivision
2209 Subic, Zambales




Kunkunada (0):


Post a Comment



<< Parupa